គ្លីនិក១កន្លែងចិត្តអាក្រក់ណាស់ ឃើញមនុស្សជិតស្លាប់មិនទទួលព្យាបាល ទីបំផុតបញ្ជូនដល់មន្ទីរពេទ្យ ជនរងគ្រោះក៏បានស្លាប់ ដោយសារយឺតពេលបន្តិច
ខេត្តកណ្តាល ៖ បុរសម្នាក់ ខណះបានដាក់ជណ្តើរ(អ៊ីណុក)ដោយផ្អែកជណ្តើរគងលើបង្គោលភ្លើងអគ្គីសនី(បង្គោលថ្ម) ដើម្បីតខ្សែអ៊ិនធើណិតឲ្យអតិថិជន នៅមុខបូរីពេជ្រជាប់ផ្លូវជាតិលេខ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ដោយមានឈ្មោះ សឿង វន្នី ភេទប្រុស គឺជាអ្នកឈរចាំទប់ជណ្តើរ រំពិចនោះស្រាប់តែឃើញ ជនរងគ្រោះខាងលើ រអិលជើង នៅពេលនោះឈ្មោះវន្នី បានស្រែកហៅជនរងគ្រោះ តែជនរងគ្រោះមិនឆ្លើយក៏អង្រួនជណ្តើរ ទើបជនរងគ្រោះរបូតដៃ ចេញពីខ្សែកាប ធ្លាក់មកដីសន្លប់ឈឹង ហើយក៏បាននាំគ្នាធ្វើចលនាឲ្យជនរងគ្រោះ តែនៅមិនដឹងខ្លូនក៏បញ្ជូនជនរងគ្រោះទៅកាន់គ្លីនិក១កន្លែង (សុំមិនបញ្ចេញឈ្មោះ) តែខាងគ្លីនិកមិនទទួល ហើយក៏បញ្ជូនបន្តមកមន្ទីរពេទ្យជ័យជំនះ ខេត្តកណ្តាល ពេលមកដល់មន្ទីរពេទ្យ ខាងគ្រូពេទ្យបានប្រាប់ថា ជនរងគ្រោះបានស្លាប់បាត់ទៅហើយ ។
ហេតុការណ៍ឆក់ខ្សែភ្លើងបណ្តាលឲ្យស្លាប់ខាងលើនេះ បានកើតឡើង កាលពីថ្ងៃទី០១.០៤.២០១៧ វេលាម៉ោង១៥.០០នាទី នៅចំណុចផ្លូវលេខ២១ មុខបុរីពេជ្រ ភូមិព្រែកសំរោង៣ សង្កាត់តាខ្មៅ ក្រុងតាខ្មៅខេត្តកណ្ដាល។ ជនរងគ្រោះឈ្មោះ ស្រី សុដា ភេទប្រុស អាយុ៣៤ស្នាក់នៅបណ្តោះ អាសន្ន ភូមិត្រាំងដោក សង្កាត់ពងទឹក ខណ្ឌដង្កោ ក្រុងភ្នំពេញ ទីលំនៅភូមិជំរៅ ឃុំពារាម ស្រុកបាទី ខេត្តតាកែវ មុខរបរ បុគ្គលិកក្រុមហ៊ុនខ្សែកាប PPCTV រាជធានីភ្នំពេញ។
ក្រោយពីបានទទួលដំណឹងនេះ សមត្ថកិច្ចជំនាញក្រុងតាខ្មៅនិងគ្រូពេទ្យជំនាញ បានធ្វើការពិនិត្យសាកសព។ ក្រោយពីការពិនិត្យសាកសពរួចមកឃើញថា៖ នៅលើបាតដៃទាំងសងខាងរបស់សពមានស្នាមខ្មៅរោល(ស្នាមឆេះ) ហើយលោកគ្រូពេទ្យជំនាញនិងសមត្ថកិច្ចជំនាញសន្និដ្ឋានបានថា សពពិតជាស្លាប់ដោយសារខ្សែភ្លើងឆក់ប្រាកដមែន។ ពិនិត្យចប់សព្វគ្រប់សពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ ដោយ VD7
Post a Comment