ដល់វេនកូរ៉េខាងជើងម្តង ! «ទីក្រុងព្យុងយ៉ាង ថ្កោលទោសធ្ងន់ៗ ទៅលើជប៉ុន រឿងបាញ់បង្ហោះ ផ្កាយរណប ស៊ើបការណ៍សម្ងាត់ !».
កូរ៉េខាងជើង បានថ្កោលទោស ជប៉ុនយ៉ាងចាស់ដៃ សម្រាប់ ការបាញ់ បង្ហោះផ្កាយរណបស៊ើបការណ៍…
ហើយថាសកម្មភាពបែបនេះ បានបង្ហាញយ៉ាងច្បាស់ ពីមហិច្ឆតា ឈ្លានពានលើកូរ៉េសាជាថ្មី ដូចដែលទីក្រុងតូក្យូ ធា្លប់បានធ្វើកាល ពីជាងមួយសតវត្សរ៍មុន ។
នេះបើតាមសារព័ត៌មានកូរ៉េខាងជើង KCNA ដកស្រង់ដោយ ទីភ្នាក់ងារសារព័ត៌មានចិនស៊ិនហួរ នៅថ្ងៃព្រហស្បតិ៍ ទី២៣ ខែមីនា ឆ្នាំ២០១៧ ។
KCNA តាមរយៈការដកស្រង់សម្ដី ពីអ្នកនាំពាក្យក្រសួង ការបរទេស កូរ៉េខាងជើង បានឱ្យដឹងថា ជប៉ុនបានបាញ់សាកល្បងគ្រាប់រ៉ុក្កែត H-2A បង្ហោះផ្កាយរណបស៊ើបការណ៍ ពីមជ្ឈមណ្ឌលអវកាស Tanegashima Space ក្នុងខេត្ត Kagoshima កាលពីថ្ងៃទី១៧ ខែមីនា ។
អ្នកនាំពាក្យរូបនេះ បានលើកឡើងដូច្នេះថា «អាជ្ញាធរជប៉ុនបានប្រកាស ថា ផ្កាយរណប ត្រូវបានបាញ់បង្ហោះ គឺមាន គោលបំណងប្រមូល ព័ត៌មានពាក់ព័ន្ធ នឹង ការបាញ់សាកល្បងមីស៊ីលផ្លោង របស់កូរ៉េខាងជើង ហើយថែមទំាងអះអាងថាវាជាផ្កាយរណប ស៊ើបការណ៍ទៀតផង ។
មួយវិញទៀត ការបាញ់បង្ហោះផ្កាយរណបនេះ ធ្វើឡើងនៅចំពេលគំនិតយោធា និយម កំពុងរីកដុះដាល ជាថ្មីនៅក្នុងប្រទេសជប៉ុន ដែលនេះអាចបញ្ជាក់យ៉ាងច្បាស់ពីមហិច្ឆតាឈ្លានពាន លើកូរ៉េសាជាថ្មី ដូចដែលទីក្រុងតូក្យូធា្លប់បានធ្វើកាលពីសម័យ អាណានិគមនិយមជប៉ុន» ។
គួរបញ្ជាក់ថា បើតាមអ្នកនាំពាក្យរូបនេះ ដដែល កូរ៉េខាងជើងនឹងបន្តអភិវឌ្ឍន៍ទីអវកាស ក្រោមសិទ្ធិស្របច្បាប់ និង សន្តិភាពដោយមិនខ្វល់ឡើយពីសម្ដី និងការគិតរបស់អ្នកដទៃ ៕
ប្រភព :- ហ្វ្រេសញ៉ូ
Post a Comment