ផ្អើលទាំងយប់!!! សំណាងតែ៣តូប កុំអីឆេះខ្ទេចអស់ ផ្សារកំពង់ស្ពឺ😱😱😣😭
ខេត្តកំពង់ស្ពឺ ៖ តូបលក់ឥវ៉ាន់ចំនួន៣ ត្រូវបានអគ្គីភ័យលេបត្របាក់ សង្ស័យទុស្សេខ្សែភ្លើង សំណាងល្អរថយន្តពន្លត់អគ្គីភ័យ ជួយទាន់ពេល។ ហេតុការណ៍អគ្គីភ័យឆាបឆេះ កាលពីវេលាម៉ោង ១១និ៤០នាទីយប់ ថ្ងៃទី០១ខែមេសាឆ្នាំ២០១៧ នៅចំណុចក្នុង នៅផ្សារកំពង់ស្ពឺ ខាងលិចប៉ែកខាងត្បូង ក្នុងភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ។
នគរបាលក្រុងបាននិយាយអោយដឹងថា នៅមុនពេលកើតហេតុនោះ គឺពីក្បាលព្រលប់ក្រុមអាជីវករ បានបិតតូបដូចធម្មតា ហើយរហូតមកដល់ម៉ោងកើតហេតុ ក៏មានការភ្ញាក់ផ្អើល ដោយមានអណ្តាតភ្លើងឆេះឆាបតែម្តង បណ្តាលអោយខូចខាតឆេះ អស់ចំនួន៣តូប។
បន្ទាប់ពីមានការភ្ញាក់ផ្អើលនោះ ក៏មានការអន្តារគមន៍ ពីកម្លាំងនគរបាលយករថយន្តពន្លត់អគ្គីភ័យជួយពន្លត់ទាន់ពេលវេលា ដែលតូបទី១/ ម្ចាស់ឈ្មោះងួន វី ភេទស្រីអាយុ៥៣ឆ្នាំ តូប២x៤ លក់ប្រហិត។ ២/ ម្ចាស់ឈ្មោះ ងួន នី ភេទស្រី អាយុ ៥៨ឆ្នាំ តូប ២x២អ៊ុតសក់។ ៣/ ម្ចាស់ឈ្មោះ កាំង ស្រី ភេទស្រី អាយុ៤៨ឆ្នាំតូបទំហំ២x៤ លក់គ្រឿងទេស។
ហើយតូបទាំង៣ខាងលើ ធ្វើពីដែកប្រក់ស័ង្កសីការសន្និដ្ឋាន បណ្តាលមកពីផ្ទុះសេខ្សែភ្លើង។ ប្រជាពលរដ្ឋ មានការលើកឡើងថា កុំតែបានខាងនគរបាល ពន្លត់អគ្គីភ័យជួយទាន់ទេនោះ កុំអីច្បាស់ជាឆេះមិនតិចតូបនោះទេ៕ ដោយ សុវណ្ណ វឌ្ឍនៈ
Post a Comment