ទូកដឹកទំនិញទៅកាន់កោះរ៉ុងមួយគ្រឿងត្រូវរលកបោកលិច😞😞😞
ខេត្តព្រះសីហនុ ៖ មានករណីលិចទូកយន្តដឹកទំនិញ ទៅភូមិកោះតូច សង្កាត់កោះរ៉ុងមួយគ្រឿង ពណ៍ទឹកប៊ិច ជំរៅទូក២m ទទឹង៣m បណ្តោយ១៥m កម្លាំងម៉ាស៊ីន១៦០សេះ និងមានមនុស្សជិៈលើទូកសរុបចំនួន១៦នាក់ មិនមានអ្នករងរបួសនិងគ្រោះថ្នាក់អ្វីធំដុំនោះទេ។ ហេតុការណ៍ខាងលើនេះ បានកើតឡើង កាលពីវេលាម៉ោង ១៧.៣៥នាទី ថ្ងៃទី០១.០៤.២០១៧ នៅចំណុចលំហ២៣ សង្កាត់កោះរ៉ុង ខេត្តព្រះសីហនុ។
ក្រោយកើតហេតុ ជនរងគ្រោះមិនមានគ្រោះថ្នាក់អ្វីនោះឡើយ ដោយសារត្រូវបានអូប័ររបស់ក្រុមហ៊ុនដាយស៊ិនធឺ ជួយសង្គ្រោះបញ្ជូនមកដល់ភូមិកោះតូចបានទាន់ពេល ហើយពួកគាត់មានសុខភាពល្អធម្មតាទាំងអស់ ។ សូមបញ្ជាក់ថា ទូកនេះជាកម្មសិទ្ធ របស់ក្រុមហ៊ុនដាយស៊ិនធឺ រីឯទំហំនៃការខូចខាត ប្រហែលអស់ទឹកប្រាក់ ៣៥០០០ ដុល្លារអាមេរិក។
តាមការបញ្ជាក់អោយដឹងពីតៃកុងទូក គឺបណ្តាលមកពីដាច់ខ្សែហ្វ្រាំងចង្កូត ដែលជាហេតុនាំអោយរលកបោក មកក្រឡាប់លិចតែម្តង៕ ដោយ VD7
Post a Comment